బోసిపోయిన నామినేషన్ కేంద్రాలు

ఎడ్యుకేషన్ స్టాఫ్ రిపోర్టర్ : వైసిపి ఫిర్యాదుతో సుప్రీంకోర్టు ఆదేశాల మేరకు రాష్ట్ర ఎన్నికల కమిషన్ తిరుపతి నగరపాలక సంస్థ సాధారణ ఎన్నికల నామినేషన్ ప్రక్రియలో భాగంగా 18 డివిజన్లకు రీ నోటిఫికేషన్ జారీ చేసింది. అయితే గతంలో నామినేషన్ వేయలేని అభ్యర్థులకు శుక్ర, శనివారాలలో నామినేషన్లు వేసుకునేందుకు వెసులుబాటు కల్పించింది. దీంతో నగరంలోని 18 డివిజన్లకు సంబంధించి స్వర్ణ వార్డు సచివాలయాల్లో ఏర్పాటు చేసిన నామినేషన్ కేంద్రాలు బోసిపోయాయి. శుక్రవారం ఆ కేంద్రాల వద్ద కేవలం పోలీసుల బందోబస్తు తప్ప పోటీ చేసే అభ్యర్థులు ఏ ఒక్కరూ అటువైపు కన్నెత్తి చూడలేదు. గతంలో కొందరు వ్యక్తులు నామినేషన్ వేసేందుకు వెళ్లిన అభ్యర్థుల నామినేషన్ పత్రాలను చించి వేసి దాడులు చేసిన నేపథ్యంలో భయబ్రాంతులకు గురయ్యారు. దీంతో కలెక్టరేట్ లో పోలీసు బందోబస్తు మధ్య శుక్రవారం వైసిపితో పాటు టీడీపీ, జనసేన, ఇండిపెండెంట్లు నామినేషన్లు దాఖలు చేశారు. దీంతో కలెక్టరేట్ నామినేషన్ దాఖలు చేసే అభ్యర్థులతో సందడిగా మారింది. 

సీఎం గౌడ్ తిరుపతి స్టాప్ రిపోర్టర్