పట్టణ అభివృద్దికి సహకరించండి 22వ వార్డు టీడీపీ అభ్యర్ధి విజయలక్ష్మి

రామచంద్రపురం మేజర్‌ న్యూస్‌:గత కొన్నేళ్లుగా ఏరాజకీయ పార్టీ నాయకుడు పరిష్కరించని పట్టణంలోని కబేళా సమస్యను రాష్ట్ర కార్మిక శాఖ మంత్రి వాసంశెట్టి సుభాష్‌ చొరతో శాశ్వత పరిష్కరం అయ్యిందని, పట్టణాన్ని మరింత అభివృద్ది చేసేందుకు కూటమి అభ్యర్దులను గెలిపించి పట్టణ ప్రజలు సహకరించాలని టీడీపీ సీనియర్‌ నాయకురాలు, 22వ వార్డు కౌన్సిలర్‌ టీడీపీ అభ్యర్ధిని జాస్తి విజయలక్ష్మి పిలుపు నిచ్చారు. మున్సిపాలిటీ పరిధిలో గల 22వ వార్డులో పలు ప్రాంతాల్లో ఆమె ఎన్నికల ప్రచారాన్ని నిర్వహించారు. వార్డులో గల ప్రజలను ఇంటింటికి వెళ్లి తనకు మద్దతు ఇవ్వాలని అభ్యర్ధించారు. ఈ సందర్బంగా విజయలక్ష్మి వార్డులో పలు చోట్ల మాట్లాడుతూ మున్సిపాలిటీలో గతంలో ఎన్నడూ లేని విధంగా గడచిన రెండేళ్లలో మంత్రి సుభాష్‌ ఆధ్వర్యంలో టీడీపీ ప్రభుత్వం పట్టణాన్ని అన్ని విధాలుగా అభివృద్ది చేసిందన్నారు. మరిన్ని మౌళికసదుపాయాల కల్పనకు టీడీపీ కౌన్సిలర్‌గా గెలిపించాలని ఆమె కోరారు. పార్టీ  నేతలు రెడ్డి సురేష్, చెలంకూరి కల్యాణ్, ముత్యాల శ్రీహరి, కొమరిన శ్రీనివాస్, పసళ్ల వీరన్నచౌదరి, పసల వీర్రాజు చౌదరి, కొప్పెల సత్యనారాయణ తదితరులు పాల్గొన్నారు.