జంగారెడ్డిగూడెంలో ఎక్స్‌ప్రెస్‌ 24 న్యూస్ యాప్‌, టీవీ ప్రారంభం
జంగారెడ్డిగూడెం-మేజర్ న్యూస్,ఆంధ్రప్రదేశ్‌, తెలంగాణ రాష్ట్రాల పరిధిలో తాజా వార్తలను ప్రజలకు వేగంగా అందించాలనే లక్ష్యంతో జంగారెడ్డిగూడెం పట్టణంలో నూతనంగా ఏర్పాటు చేసిన ఎక్స్‌ప్రెస్‌ 24 న్యూస్ యాప్‌, టీవీని టీడీపీ రాష్ట్ర అధికార ప్రతినిధి డా. దాసరి శ్యామ్ చంద్ర శేషు, మాజీ జెడ్పీటీసీ పొల్నాటి బాబ్జి ప్రారంభించారు. జంగారెడ్డిగూడెంకు చెందిన యోగా మాస్టర్ తగరం శ్రీనివాసరావు ఈ న్యూస్ యాప్‌, టీవీని స్థాపించారు. ప్రముఖ టీవీ నటుడు నాని న్యూస్ యాంకర్‌గా వ్యవహరిస్తున్నారు.
ఈ సందర్భంగా డా. దాసరి శ్యామ్ చంద్ర శేషు, పొల్నాటి బాబ్జి మాట్లాడుతూ, వేగవంతమైన వార్తా ప్రసారానికి పేరుగాంచిన వే2న్యూస్ తరహాలో ఎక్స్‌ప్రెస్‌ 24 కూడా క్షణాల్లో తాజా సమాచారాన్ని ప్రజలకు చేరవేయాలని ఆకాంక్షించారు. వాస్తవాలను వెలికితీస్తూ, ప్రజా సమస్యలకు ప్రాధాన్యతనిస్తూ సమాజానికి ఉపయోగపడే వార్తలను అందించాలని సూచించారు.
ఈ కార్యక్రమంలో ఎక్స్‌ప్రెస్‌ 24 అధినేత తగరం శ్రీనివాసరావు, న్యూస్ యాంకర్‌ నాని, జంగారెడ్డిగూడెం మండల టీడీపీ అధ్యక్షుడు కుక్కల మాధవరావు, డా. దాసరి శేషు, న్యూస్ ఛానల్‌ సిబ్బంది తదితరులు పాల్గొన్నారు.
