బ్రహ్మసముద్రం మండలంలో భార్యాభర్తలు ఇద్దరు కాంగ్రెస్ అభ్యర్థులుగా నామినేషన్.

బ్రహ్మసముద్రం: కళ్యాణదుర్గం నియోజకవర్గంలోని బ్రహ్మసముద్రం మండలంలో స్థానిక సంస్థల ఎన్నికల నేపథ్యంలో కాంగ్రెస్ పార్టీ తరఫున భార్యాభర్తలు ఎన్నికల బరిలో నిలిచారు. మండల జడ్పీటీసీ అభ్యర్థిగా గొల్ల సన్నప్ప, ఎంపీటీసీ అభ్యర్థిగా ఆయన భార్య గొల్ల పద్మావతి నామినేషన్లు దాఖలు చేశారు. కాంగ్రెస్ పార్టీ తరఫున జడ్పీటీసీ అభ్యర్థిగా గొల్ల సన్నప్ప, నాగప్ప కుమారుడిగా నామినేషన్ సమర్పించగా, ఆయన భార్య గొల్ల పద్మావతి ఎంపీటీసీ అభ్యర్థిగా నామినేషన్ దాఖలు చేశారు. ఏఐసీసీ సభ్యుడు డాక్టర్ నీలకంఠాపురం రఘువీరారెడ్డి ఆశీస్సులతో పాటు, జిల్లా కాంగ్రెస్ అధ్యక్షుడు మధుసూదన్‌రెడ్డి ఆదేశాల మేరకు తాము ఎన్నికల బరిలో నిలిచినట్లు తెలిపారు. బ్రహ్మసముద్రం మండలంలో కాంగ్రెస్ పార్టీ బలోపేతానికి, ప్రజా సమస్యల పరిష్కారానికి కృషి చేస్తామని అభ్యర్థులు పేర్కొన్నారు. ఈ సందర్భంగా కాంగ్రెస్ పార్టీ నాయకులు, కార్యకర్తలు, అభిమానులు తమకు సహకరించాలని గొల్ల సన్నప్ప కోరారు. జడ్పీటీసీ ఎన్నికల్లో హస్తం గుర్తుకు ఓటు వేసి తనను గెలిపించాలని విజ్ఞప్తి చేశారు. అదేవిధంగా ఎంపీటీసీ అభ్యర్థిగా పోటీ చేస్తున్న గొల్ల పద్మావతి కూడా హస్తం గుర్తుపై ఓటు వేసి తనను గెలిపించాలని ఓటర్లను కోరారు. నామినేషన్ల దాఖలుతో బ్రహ్మసముద్రం మండలంలో స్థానిక సంస్థల ఎన్నికల సందడి నెలకొంది. రానున్న రోజుల్లో అభ్యర్థుల ప్రచారం, ఓటర్ల మద్దతు సమీకరణపై రాజకీయ వర్గాల్లో ఆసక్తి నెలకొంది.

కళ్యాణదుర్గం టౌన్ రిపోర్టర్ :-బోయ రంగస్వామి