మండలంలో 109 ఎంపిటిసి నామినేషన్లు

 కోటబొమ్మాళి, సూర్య : మూడు రోజులుగా స్థానిక మండల పరిషత్ కార్యాలయంలో జరుగుతున్న ఎంపీటీసీల నామినేషన్లు మొత్తం 109 వేశారని రిటర్నింగ్ అధికారి కె. జగన్మోహన్ రావు శుక్రవారం తెలిపారు.  మూడు రోజులు ఎలాంటి ఘర్షలు జరగకుండా స్థానిక సిఐ శ్రీనివాసరావు, ఎస్ఐ వి. సత్యన్నారాయణ బంధోబస్తును ఏర్పాటు చేశారు. శుక్రవారం దేశం పార్టీ మాజీ ఎంపీపీ తర్ర రామక్రిష్ణ చిట్టేవలస స్థానం నుంచి ఎంపీటీసీగా నామినేషన్ వేశారు. అలాగే కొత్తపల్లి స్థానానికి సీనియర్ టీడీపీ నాయకులు వెలమల కామేశ్వర రావు నామినేషన్ దాఖలు చేశారు. మూడవరోజు టిడిపి- 20, వైకాపా- 17, జనసేన- 1, బిజేపీ- 1 మొత్తం 39 నామినేషన్లు వేశారు. మూడు రోజులు కలిపి టిడిపికి 47, వైకాపాకు 52, జనసేనకు 4, బిజేపి ఒకటి, ఇండిపెండెంట్లు ఐదుగురు నామినేషన్లు వేశారు.

రిపోర్టర్ : అప్పన్న, కోటబొమ్మాళి,

 శ్రీకాకుళం జిల్లా.