రోడ్డు ప్రమాదాల నివారణే లక్ష్యం : జిల్లా అదనపు కలెక్టర్ కిరణ్మయి

భద్రతా చర్యలు పటిష్టం చేయాలి.. రోడ్డు ప్రమాదాల కట్టడికి సమగ్ర కార్యాచరణ.. ట్రాఫిక్ నిబంధనలే ప్రాణరక్షణకు మార్గం

రంగారెడ్డి : జిల్లాలో రోడ్డు ప్రమాదాల నివారణకు ప్రతి ఒక్కరూ ట్రాఫిక్ నిబంధనలు పాటించాలని జిల్లా అదనపు కలెక్టర్ డాక్టర్ కె. కిరణ్మయి సూచించారు. ప్రమాదాలు అధికంగా జరిగే ప్రాంతాలను గుర్తించి, అవసరమైన భద్రతా చర్యలు చేపట్టాలని సంబంధిత శాఖల అధికారులను ఆదేశించారు. అతివేగం, నిర్లక్ష్యపు డ్రైవింగ్, మద్యం సేవించి వాహనాలు నడపడం వల్ల ప్రమాదాలు జరుగుతున్నాయని పేర్కొన్నారు. పాఠశాలలు, కళాశాలల్లో రోడ్డు భద్రతపై అవగాహన కల్పించాలని, అన్ని శాఖలు సమన్వయంతో పనిచేసి రంగారెడ్డి జిల్లాను ప్రమాద రహిత జిల్లాగా తీర్చిదిద్దాలని పిలుపునిచ్చారు. శుక్రవారం సమీకృత జిల్లా కార్యాలయాల సముదాయంలో నిర్వహించిన జిల్లా రోడ్డు భద్రతా కమిటీ సమావేశంలో ఆమె మాట్లాడారు.

(రంగారెడ్డి - మేజర్ న్యూస్)