బండమాదారంలో ఆగని అక్రమ మట్టి దందా.. అధికారుల మౌనం వెనుక మర్మమేంటి..?

మేడ్చల్, మేజర్ న్యూస్ : ఎల్లంపేట మున్సిపాలిటీ పరిధిలోని బండమాదారం గ్రామంలో అక్రమ మట్టి తరలింపు యథేచ్ఛగా సాగుతోందని స్థానికులు ఆరోపిస్తున్నారు. పట్టపగలు, రాత్రి అనే తేడా లేకుండా మట్టి దందా కొనసాగుతున్నా సంబంధిత రెవెన్యూ అధికారులు అడ్డుకట్ట వేయడం లేదని విమర్శలు వెల్లువెత్తుతున్నాయి. ఈ అక్రమ మట్టి రవాణాపై పలు పత్రికల్లో వార్తలు ప్రచురితమైనప్పటికీ పరిస్థితిలో మార్పు రాకపోవడం పలు అనుమానాలకు తావిస్తోంది. అక్రమ తరలింపును అధికారులు గుర్తించడం లేదా, గుర్తించినా చూసీచూడనట్లు వ్యవహరిస్తున్నారా అంటూ స్థానికులు ప్రశ్నిస్తున్నారు. ఇప్పటికైనా సంబంధిత అధికారులు స్పందించి మట్టి తరలింపునకు అవసరమైన అనుమతులు, పత్రాలను క్షేత్రస్థాయిలో పరిశీలించాలని, అక్రమాలు జరిగినట్లు తేలితే బాధ్యులపై కఠిన చర్యలు తీసుకోవాలని స్థానికులు డిమాండ్ చేస్తున్నారు. అక్రమ మట్టి రవాణాకు అడ్డుకట్ట వేసి ప్రభుత్వ నిబంధనలు అమలయ్యేలా చూడాలని కోరుతున్నారు.

Also Read: అంగడి చౌరస్తాలో అలుముకున్న చీకట్లు.. ప్రమాదం జరిగితే బాధ్యత ఎవరిది?