సూర్య కరీంనగర్‌ :పదో తరగతి విద్యార్థులకు ఐఐటీ-జేఈఈ, నీట్‌, ఈఏపీసెట్‌ శిక్షణతో పాటు ఇంటర్‌ విద్యను అందించేందుకు శ్రీ చైతన్య విద్యాసంస్థల ఆధ్వర్యంలో నవంబర్‌ 1న స్కాలర్‌షిప్‌ టెస్ట్‌ నిర్వహించనున్నట్లు సంస్థల అధినేత ఎం. రమేష్‌ రెడ్డి తెలిపారు. పరీక్షలో విద్యార్థుల ప్రతిభ ఆధారంగా 100 శాతం వరకు ట్యూషన్‌ ఫీజు రాయితీ కల్పించనున్నట్లు పేర్కొన్నారు. మొదటి ర్యాంకు సాధించిన వారికి ల్యాప్‌టాప్‌, 2 నుంచి 10వ ర్యాంకు విద్యార్థులకు ట్యాబ్స్‌, ఇతర బహుమతులు అందజేస్తామని వెల్లడించారు.పరీక్ష ఉదయం 10 నుంచి 11.30 గంటల వరకు జరుగుతుందని, పరీక్షా కేంద్రాల వివరాలను అక్టోబర్‌ 31లోపు తెలియజేస్తామని చెప్పారు. ఆసక్తి గల విద్యార్థులు క్యూ ఆర్ కోడ్‌ లేదా రిజిస్ట్రేషన్‌ లింక్‌ ద్వారా పేర్లు నమోదు చేసుకోవాలని సూచించారు. రిజిస్ట్రేషన్‌ చేసుకుని పరీక్ష రాసే విద్యార్థులకు లక్కీ డ్రా నిర్వహించి మొదటి బహుమతిగా ఎల్ఈడీ టీవీ, రెండో బహుమతిగా సైకిల్‌, మూడో బహుమతిగా మొబైల్‌ ఫోన్‌ అందజేయనున్నట్లు తెలిపారు.మరిన్ని వివరాలకు 98485 87584, 99123 49038, 9000993705, 98490 72929 నంబర్లలో సంప్రదించాలని కోరారు. అనంతరం స్కాలర్‌షిప్‌ బ్రోచర్‌ను ఆవిష్కరించారు. ఈ కార్యక్రమంలో శ్రీ చైతన్య డైరెక్టర్‌ కర్ర నరేందర్‌ రెడ్డి, జూనియర్‌ కళాశాలల డీన్‌ జగన్‌ మోహన్‌ రెడ్డి, ప్రిన్సిపాళ్లు, ఏజీఎం శ్రీనివాస్, అధ్యాపక, అధ్యాపకేతర సిబ్బంది పాల్గొన్నారు
