*అశ్వారావుపేటలో కొబ్బరి రైతుల అవగాహన సదస్సు*

సూర్య అశ్వరావుపేట అశ్వారావుపేట మున్సిపాలిటీ పరిధిలోని కాసాని గార్డెన్స్ నందు బుధవారం కొబ్బరి అభివృద్ధి బోర్డు ఆధ్వర్యంలో కొబ్బరి రైతుల అవగాహన సదస్సు నిర్వహించారు.

ఈ సమావేశంలో కొబ్బరి బోర్డు ద్వారా అందుతున్న సబ్సిడీ పథకాల గురించి రైతులకు వివరించారు. గతంలో కొబ్బరి పంటకు పూర్తి సబ్సిడీపై ఎరువులు పంపిణీ చేయగా, ఇంకా మిగిలి ఉన్న రైతులకు సబ్సిడీ ఎరువుల పంపిణీ నిమిత్తం అప్లికేషన్లు పెట్టుకునే అవకాశం కల్పించినట్లు తెలిపారు.

అలాగే కొత్తగా వేసుకున్న కొబ్బరి మొక్కలకు మొక్కకు రూ. 350 చొప్పున సబ్సిడీ ఇవ్వడం, కొబ్బరి బోర్డులో అందుబాటులో ఉన్న ఇతర సబ్సిడీలు, పథకాలను రైతులు సద్వినియోగం చేసుకోవాలని సూచించారు. అంతర్ పంటల సాగుపై కూడా అవగాహన కల్పించారు.

ఈ కార్యక్రమంలో కొబ్బరి బోర్డు అధికారి శరత్,హార్టికల్చర్ అధికారి ఈశ్వర్,రైతు సంఘం నాయకులు కొక్కెరపాటి పుల్లయ్య,ఆత్మ కమిటీ చైర్మన్ సుంకవల్లి వీరభద్రరావు,గంగారం క్లస్టర్ చైర్మన్ చీమకుర్తి వెంకటేశ్వరరావు, అశ్వారావుపేట కష్ట చైర్మన్ కాసాని పద్మశేఖర్,దమ్మపేట ట్రస్ట్ చైర్మన్ మురళి,తాడేపల్లి రవి,కార్పొరేట్ కంపెనీ మేనేజర్లు,పలువురు కొబ్బరి రైతులు పాల్గొన్నారు.

సూర్య రిపోర్టర్ మునీర్ అశ్వరావుపేట