బూత్‌ స్థాయి నుంచే బీజేపీని బలోపేతం చేయాలి - బీజేపీ జిల్లా అధ్యక్షుడు దినేష్ కులచారి

సూర్య ఆర్మూర్ : రానున్న రోజుల్లో రాష్ట్రంలో బీజేపీ అధికారంలోకి రావడమే లక్ష్యంగా పార్టీని బూత్‌ స్థాయి నుంచి బలోపేతం చేయాలని బీజేపీ జిల్లా అధ్యక్షుడు దినేష్ కులచారి, బీజేవైఎం జిల్లా అధ్యక్షుడు వంశీ గౌడ్  పిలుపునిచ్చారు.ఆర్మూర్ పట్టణంలోని ఎమ్మెల్యే క్యాంపు కార్యాలయాన్ని సందర్శించిన దినేష్ కులచారి, వంశీ గౌడ్‌లను బీజేవైఎం ఆర్మూర్ పట్టణ అధ్యక్షుడు ఉదయ్ గౌడ్ ఆధ్వర్యంలో నాయకులు శాలువాలు కప్పి సన్మానించారు.ఈ సందర్భంగా వారు మాట్లాడుతూ కార్యకర్తలు క్షేత్రస్థాయిలో ప్రజలతో మమేకమై పార్టీ సిద్ధాంతాలను విస్తృతంగా ప్రచారం చేయాలని సూచించారు. యువతను పార్టీ కార్యక్రమాల్లో భాగస్వాములను చేస్తూ బీజేపీ విజయానికి కృషి చేయాలని పిలుపునిచ్చారు.

ఈకార్యక్రమంలో బీజేపీ పట్టణ అధ్యక్షుడు మందుల బాలు, రాష్ట్ర నాయకుడు కంచేటి గంగాధర్, బీజేవైఎం జిల్లా ఉపాధ్యక్షుడు కలిగోట ప్రశాంత్, నాయకులు యామాద్రి వంశీ, మనీష్, నిఖిల్, సుజన్, వినోద్, రాము తదితరులు పాల్గొన్నారు.