గాజువాకలో ప్రచార వాహనాల తనిఖీ

గాజువాక, సూర్య : జీవీఎంసీ ఎన్నికల నేపథ్యంలో గాజువాక పోలీస్ స్టేషన్ పరిధిలో పోలీసులు తనిఖీలను విస్తృతం చేశారు. సీఐ చింతా వాసు నాయుడు ఆదేశాల మేరకు రంగంలోకి దిగిన గాజువాక పోలీసులు, వివిధ రాజకీయ పార్టీల ఎన్నికల ప్రచార వాహనాలను క్షుణ్ణంగా పరిశీలిస్తున్నారు. ఈ తనిఖీల్లో భాగంగా వాహనాలకు సంబంధించి రవాణా శాఖ మరియు పోలీసుల నుంచి పొందిన అనుమతి పత్రాలు, మైక్ సెట్ల పర్మిషన్లు, డ్రైవింగ్ లైసెన్సులను అధికారులు నిశితంగా పరిశీలిస్తున్నారు. ఎన్నికల ప్రవర్తనా నియమావళికి కట్టుబడి ప్రచారం నిర్వహించాలని, ముందస్తు అనుమతులు లేకుండా ఎలాంటి వాహనాలను వినియోగించకూడదని సూచించారు. నిబంధనలు పాటిస్తూ, ఎన్నికలు ప్రశాంత వాతావరణంలో జరిగేందుకు రాజకీయ పార్టీలు, అభ్యర్థులు పోలీసు శాఖకు పూర్తి సహకారం అందించాలని ఈ సందర్భంగా పోలీసులు విజ్ఞప్తి చేశారు.

రిపోర్టర్ : కోటి రెడ్డి, గాజువాక, విశాఖపట్నం.