రేపు భూముల రీసర్వేపై గ్రామసభ

నవాబుపేట సూర్య న్యూస్: మండలంలోని దేపల్లి గ్రామపంచాయతీ కార్యాలయం వద్ద రేపు(సోమవారం) ఉదయం 10:30గంటలకు భూముల రీసర్వేపై గ్రామసభ నిర్వహించనున్నట్లు తహసీల్దార్ సురేష్ పేర్కొన్నారు.ఈ సందర్భంగా తహసీల్దార్ సురేష్ ఆదివారం మాట్లాడుతూ..భూముల రీసర్వే ప్రక్రియలో రైతులు తమ భూములకు సంబంధించిన వివరాలను అధికారులకు అందించి సహకరించాలని తహసిల్దార్ అన్నారు.భూముల హద్దులు,సర్వే నంబర్లు,భూ రికార్డుల్లో ఏవైనా తప్పులు లేదా సమస్యలు ఉంటే అధికారుల దృష్టికి తీసుకురావాలని తెలిపారు.రీసర్వే ద్వారా భూముల వివరాలను పరిశీలించి,రికార్డుల్లో ఉన్న సమస్యలను గుర్తించేందుకు చర్యలు తీసుకుంటామని ఆయన పేర్కొన్నారు.రైతులు గ్రామసభలో పాల్గొని తమ సందేహాలను నివృత్తి చేసుకోవాలని ఆయన కోరారు.