బీజేవైఎం రంగారెడ్డి జిల్లా ఉపాధ్యక్షుడిగా కందడి శ్రీరాములు నియామకం
కందుకూరు, మేజర్ న్యూస్: భారతీయ జనతా యువ మోర్చా (బీజేవైఎం) రంగారెడ్డి జిల్లా ఉపాధ్యక్షుడిగా కందుకూరు గ్రామానికి చెందిన కందడి శ్రీరాములు నియమితులయ్యారు. ఈ మేరకు పార్టీ నాయకత్వం ఆయనకు జిల్లా స్థాయి బాధ్యతలు అప్పగించింది.
ఈ సందర్భంగా కందడి శ్రీరాములు మాట్లాడుతూ... తనపై నమ్మకంతో జిల్లా ఉపాధ్యక్షుడిగా బాధ్యతలు అప్పగించిన బీజేపీ, బీజేవైఎం రాష్ట్ర, జిల్లా నాయకత్వానికి హృదయపూర్వక కృతజ్ఞతలు తెలిపారు. పార్టీ తనకు అప్పగించిన బాధ్యతలను నిబద్ధతతో నిర్వహిస్తానని పేర్కొన్నారు.
యువతను రాజకీయ, సామాజిక సేవా కార్యక్రమాల్లో భాగస్వాములను చేస్తూ, వారి సమస్యల పరిష్కారానికి కృషి చేస్తానన్నారు. కేంద్ర ప్రభుత్వ సంక్షేమ పథకాలను ప్రజల్లోకి తీసుకెళ్లడంతో పాటు రంగారెడ్డి జిల్లాలో బీజేవైఎంను మరింత బలోపేతం చేసేందుకు కృషి చేస్తానని ఆయన తెలిపారు.
తన నియామకానికి సహకరించిన కందుకూరు మండల బీజేపీ నాయకులు, బీజేవైఎం నాయకులు, కార్యకర్తలకు ప్రత్యేక ధన్యవాదాలు తెలియజేశారు.
టి. శ్రీనివాస్, మేజర్ న్యూస్, కందుకూరు, రంగారెడ్డి జిల్లా.