అమిత్ షాకు దమ్ముంటే ఓవైసీపై పోటీ చేయాలి..
హైదరాబాద్: తెలంగాణ ముఖ్యమంత్రి రేవంత్ రెడ్డి బీజేపీ అగ్రనేత అమిత్ షాతో పాటు బీఆర్ఎస్ అధినేత కేసీఆర్, కేటీఆర్లపై తీవ్ర స్థాయిలో విరుచుకుపడ్డారు. కేంద్ర హోంమంత్రి అమిత్ షాకు నిజంగా ధైర్యం ఉంటే, హైదరాబాద్ లోక్సభ నియోజకవర్గం నుంచి పోటీ చేసి ఎంఐఎం అధినేత అసదుద్దీన్ ఓవైసీని ఓడించి చూపించాలని సీఎం సవాల్ విసిరారు. కేవలం ఓట్ల రాజకీయాల కోసమే బీజేపీ దేశంలో జాతి, మత విద్వేషాలను రెచ్చగొడుతోందని ఆయన మండిపడ్డారు.
మరోవైపు బీఆర్ఎస్ నాయకత్వంపైనా రేవంత్ రెడ్డి తనదైన శైలిలో వ్యంగ్యాస్త్రాలు సంధించారు. తన రాజకీయ కథలో మాజీ సీఎం కేసీఆర్ 'రావణాసురుడు' లాంటి వారని అభివర్ణించిన ఆయన, కేటీఆర్ కేవలం 'మేనేజ్మెంట్ కోటా'లో వచ్చిన నాయకుడని ఎద్దేవా చేశారు. తండ్రి పేరును అడ్డం పెట్టుకుని రాజకీయాల్లోకి వచ్చిన కేటీఆర్ను తాను అసలు సీరియస్గా తీసుకోనని సీఎం రేవంత్ రెడ్డి స్పష్టం చేశారు.