ఆపదలో ఉన్నవారికి సీఎం సహాయనిధి అండ
కందుకూరు, మేజర్ న్యూస్: ఆపదలో ఉన్న పేద, మధ్యతరగతి కుటుంబాలకు ముఖ్యమంత్రి సహాయనిధి (సీఎంఆర్‌ఎఫ్‌) అండగా నిలుస్తోందని కాంగ్రెస్ పార్టీ సీనియర్ నాయకులు దయ్యాల శ్రీకాంత్ అన్నారు. కందుకూరు మండలం బేగంపేట గ్రామానికి చెందిన రామావత్ సువర్ణకు ముఖ్యమంత్రి సహాయనిధి నుంచి రూ.47,500 మంజూరయ్యాయి. ఈ మేరకు శుక్రవారం ఆమెకు మంజూరు పత్రంతో పాటు చెక్కును అందజేశారు.
ఈ సందర్భంగా దయ్యాల శ్రీకాంత్ మాట్లాడుతూ.. అర్హులైన ప్రతి ఒక్కరూ ప్రభుత్వం అందిస్తున్న సంక్షేమ పథకాలను సద్వినియోగం చేసుకోవాలని సూచించారు. ముఖ్యమంత్రి రేవంత్ రెడ్డి నాయకత్వంలో రాష్ట్ర ప్రభుత్వం అన్ని రంగాల్లో అభివృద్ధి దిశగా ముందుకు సాగుతోందన్నారు. మహేశ్వరం నియోజకవర్గ కాంగ్రెస్ పార్టీ ఇన్‌చార్జి కిచ్చెన్నగారి లక్ష్మారెడ్డి (కేఎల్ఆర్) సహకారంతో బాధిత మహిళకు సీఎంఆర్‌ఎఫ్‌ ఆర్థిక సాయం మంజూరైనట్లు తెలిపారు.సీఎంఆర్‌ఎఫ్‌ ద్వారా ఆర్థిక సహాయం అందడంతో బాధిత కుటుంబ సభ్యులు హర్షం వ్యక్తం చేస్తూ, సహకరించిన కాంగ్రెస్ నాయకులకు కృతజ్ఞతలు తెలిపారు
టి. శ్రీనివాస్, మేజర్ న్యూస్, కందుకూరు, రంగారెడ్డి జిల్లా
