sports
టీమిండియా ఘోర పరాజయం.. 244 పరుగుల తేడాతో న్యూజిలాండ్ జయభేరి
మౌంట్ మాంగనుయ్: న్యూజిలాండ్ పర్యటనలో భాగంగా జరిగిన నాలుగో వన్డేలో భారత క్రికెట్ జట్టు ఘోర పరాజయాన్ని చవిచూసింది.
భారత ఓటమిలో కివీస్ స్టార్ పేసర్ మ్యాట్ హెన్రీ కీలక పాత్ర పోషించాడు. ఇన్నింగ్స్ ప్రారంభమైన మొదటి ఓవర్లోనే హెన్రీ నిప్పులు చెరుగుతూ ఏకంగా 3 కీలక వికెట్లు పడగొట్టి భారత్‌ను కోలుకోలేని దెబ్బతీశాడు. స్టార్ బ్యాటర్లు రోహిత్ శర్మ, విరాట్ కోహ్లీ, కెప్టెన్ శ్రేయస్ అయ్యర్ ఖాతా తెరవకుండానే డకౌట్‌గా వెనుదిరగడంతో భారత్ సున్నా పరుగులకే 3 వికెట్లు కోల్పోయింది. ఆ తర్వాత రుతురాజ్ గైక్వాడ్ (5) కూడా త్వరగానే పెవిలియన్ చేరడంతో 9 పరుగులకే 4 వికెట్లు కోల్పోయి టీమిండియా పీకల్లోతు కష్టాల్లో పడింది.
ఈ దశలో మిడిల్ ఆర్డర్ బ్యాటర్లు ఇషాన్ కిషన్ (27), అక్షర్ పటేల్ (21), నమన్ ధీర్ (21) కాసేపు క్రీజులో నిలదొక్కుకుని పోరాటం చేసినప్పటికీ, భారీ లక్ష్యం ముందు వారి ప్రయత్నం ఏమాత్రం సరిపోలేదు.
