మల్లికార్జున స్వామి ఆలయంలో ఘనంగా నాగుల చవితి వేడుకలు

మేజర్ న్యూస్,అన్నపురెడ్డిపల్లి.. భద్రాద్రి కొత్తగూడెం జిల్లా, అశ్వరావుపేట నియోజకవర్గం, అన్నపురెడ్డిపల్లి మండల కేంద్రంలోని ప్రముఖ శైవ క్షేత్రం శ్రీ భ్రమరాంబ సమేత మల్లికార్జున స్వామి ఆలయంలో శుక్రవారం నాగుల చవితి వేడుకలు ఘనంగా జరిగాయి. ఈ సందర్భంగా ఆలయ ప్రాంగణం మొత్తం ఆధ్యాత్మికతతో మార్మోగింది.ఉదయం నుంచే భక్తులు పెద్ద సంఖ్యలో ఆలయానికి తరలివచ్చారు. భక్తులు పుట్టలో పాలు పోస్తూ, పిల్లలకు చెవి పోగులు కుట్టిస్తూ, దీపాలు వెలిగిస్తూ మొక్కుబడులు చెల్లించుకున్నారు.నాగ దేవతకు ప్రత్యేక పూజలు, అభిషేకాలు నిర్వహించారు. భక్తుల రద్దీ దృష్ట్యా ఆలయ మేనేజర్ పాకల వెంకటరమణ పర్యవేక్షణలో సిబ్బంది తగిన ఏర్పాట్లు చేశారు. 

మేజర్ న్యూస్,అన్నపురెడ్డిపల్లి..