గొల్లపల్లిలో వైద్య శిబిరం

సూర్య జగిత్యాల ప్రతినిధి:జగిత్యాల జిల్లా గొల్లపల్లి ప్రాథమిక ఆరోగ్య కేంద్రం పరిధిలోని గొల్లపల్లి గ్రామ ఎస్సీ కాలనీలో శుక్రవారం వైద్య ఆరోగ్య శాఖ ఆధ్వర్యంలో వైద్య శిబిరం నిర్వహించారు.ఈ కార్యక్రమంలో జిల్లా ఉప వైద్య ఆరోగ్య శాఖాధికారి డాక్టర్ ఎన్. శ్రీనివాస్ పాల్గొని వైద్య శిబిరం నిర్వహణను పర్యవేక్షించారు.ఈ సందర్భంగా ప్రజలకు ఆరోగ్య సమస్యలపై అవగాహన కల్పిస్తూ, వ్యాధులను ప్రారంభ దశలోనే గుర్తించి సకాలంలో చికిత్స పొందడం ద్వారా ఆరోగ్యాన్ని కాపాడుకోవచ్చని సూచించారు.ఈ కార్యక్రమంలో గొల్లపల్లి ప్రాథమిక ఆరోగ్య కేంద్రం వైద్యాధికారి డాక్టర్ శ్రీకాంత్, ఏఎంఓ సత్యనారాయణ, శ్రీధర్, ఇతర వైద్య సిబ్బంది, ఆరోగ్య కార్యకర్తలు పాల్గొన్నారు.