రాజంపేటలో అభివృద్ధి పనుల తనిఖీ

సూర్య రాజంపేట : రాజంపేట మండలంలో చేపడుతున్న అభివృద్ధి కార్యక్రమాలను జిల్లా పరిషత్ ముఖ్య కార్యనిర్వహణ అధికారి బి. చందర్ శుక్రవారం ఆకస్మికంగా తనిఖీ చేశారు. వీబీజీ రాంజీ పథకం కింద రాజంపేట గ్రామంలో చేపడుతున్న ఫామ్ పాండ్స్, సోక్ పిట్స్ తదితర పనుల పురోగతి, నాణ్యతను పరిశీలించారు. అనంతరం మండల పరిషత్ కార్యాలయంలో రికార్డులను తనిఖీ చేసి, సిబ్బందితో సమీక్ష నిర్వహించారు. ప్రభుత్వ పథకాలను సమర్థవంతంగా అమలు చేస్తూ, అభివృద్ధి పనులను నిర్ణీత గడువులో పూర్తి చేయాలని సూచించారు. ఈ కార్యక్రమంలో ఎంపీడీవో బి. సూర్యాజీ, మండల సిబ్బంది పాల్గొన్నారు.