పంటల నష్టంపై కేంద్ర బృందం పరిశీలన

బాపట్ల, మేజర్ న్యూస్ : ఈ నెల 3న సంభవించిన 'మురసు' తుఫాన్ ప్రభావంతో బాపట్ల జిల్లాలో జరిగిన నష్టాన్ని అంచనా వేసేందుకు వచ్చిన అంతర్ మంత్రిత్వ శాఖల కేంద్ర బృందం శుక్రవారం జిల్లాలో పర్యటించింది. తుఫాన్ కారణంగా దెబ్బతిన్న గృహ నిర్మాణం, గ్రామీణ నీటి సరఫరా , రోడ్లు-భవనాలు ), పంచాయతీ రాజ్, ఇరిగేషన్, విద్యుత్, మత్స్య, ఉద్యాన, వ్యవసాయ, పశుసంవర్ధక శాఖలకు jఅరిగిన నష్ట వివరాలతో అధికారులు ప్రత్యేకంగా ఏర్పాటు చేసిన ఫొటో ఎగ్జిబిషన్‌ను కేంద్ర బృందం సభ్యులు నిశితంగా పరిశీలించారు.

ఈ పరిశీలన బృందంలో కేంద్ర సంయుక్త కార్యదర్శి చిత్తరంజన్ దాస్, కేంద్ర వ్యవసాయ మరియు రైతు సంక్షేమ శాఖ అదనపు అభివృద్ధి కమిషనర్ ప్రశాంత్ ఆర్మోరికర్, కేంద్ర ఆర్థిక మంత్రిత్వ శాఖ వ్యయ విభాగం అసిస్టెంట్ డైరెక్టర్ హిమాలయ గార్గ్, కేంద్ర విద్యుత్ ప్రాధికార సంస్థ , విద్యుత్ మంత్రిత్వ శాఖ డిప్యూటీ డైరెక్టర్ ప్రణయ్ గార్గ్ పాల్గొన్నారు.

వీరితో పాటు బాపట్ల జిల్లా కలెక్టర్ డాక్టర్ వి. వినోద్ కుమార్, రాష్ట్ర విపత్తుల నిర్వహణ శాఖ (APSDMA) మేనేజింగ్ డైరెక్టర్ ప్రఖర్ జైన్, ఇంచార్జి డీఆర్వో లవన్న , వివిధ శాఖల జిల్లా స్థాయి అధికారులు పాల్గొని తుఫాన్ వల్ల జరిగిన ఆస్తి, పంట నష్టాల తీవ్రతను కేంద్ర బృందానికి క్షుణ్ణంగా వివరించారు.