కోలీవుడ్ సింగర్స్ శ్రీనిషా, సామ్ విశాల్ నిశ్చితార్థం.. వైభవంగా వేడుక

సూర్య ఎంటర్‌టైన్‌మెంట్ డెస్క్: కోలీవుడ్ మ్యూజిక్ ఇండస్ట్రీలో మరో ట్యాలెంటెడ్ కపుల్ అధికారికంగా ఒక్కటయ్యే దిశగా ముందడుగు వేశారు. తమిళ సంగీత లోకంలో తమ అద్భుతమైన గాత్రంతో లక్షలాది మంది అభిమానులను సంపాదించుకున్న ప్రముఖ ప్లేబ్యాక్ సింగర్స్ శ్రీనిషా జయశీలన్ మరియు సామ్ విశాల్ నిశ్చితార్థ వేడుక అత్యంత వైభవంగా జరిగింది. చెన్నై వేదికగా జరిగిన ఈ ఎంగేజ్‌మెంట్ వేడుకకు సంబంధించిన ఫొటోలు ప్రస్తుతం సోషల్ మీడియాలో విపరీతంగా వైరల్ అవుతుండటంతో, అభిమానులు మరియు తోటి సినీ ప్రముఖులు ఈ నూతన జంటకు పెద్ద ఎత్తున శుభాకాంక్షలు తెలియజేస్తున్నారు.

ప్రఖ్యాత టెలివిజన్ రియాలిటీ షోల ద్వారా గాయకులుగా తమ కెరీర్‌ను ప్రారంభించి, స్వయంకృషితో కోలీవుడ్‌లో ప్రత్యేక గుర్తింపు తెచ్చుకున్నారు ఈ యువ జోడీ. విభిన్నమైన గాత్ర శైలితో పాటు యూత్ ని అకట్టుకునే గీతాలను ఆలపించి అతి తక్కువ కాలంలోనే మంచి క్రేజ్ సంపాదించుకున్నారు. కొంతకాలంగా మంచి స్నేహితులుగా కొనసాగుతూ వస్తున్న ఈ ఇద్దరు గాయకుల ప్రయాణం, పెద్దల అంగీకారంతో ఇప్పుడు వివాహ బంధం వరకు చేరింది. కుటుంబ సభ్యులు మరియు అత్యంత సన్నిహితుల సమక్షంలో జరిగిన ఈ నిశ్చితార్థ వేడుక ఇరు కుటుంబాల హర్షాతిరేకాల మధ్య కన్నుల పండువగా నిర్వహించబడింది.

సాంప్రదాయ వస్త్రధారణలో మెరిసిపోయిన ఈ రియల్ లైఫ్ కపుల్ ఫొటోలు ప్రస్తుతం నెటిజన్లను ఎంతగానో ఆకట్టుకుంటున్నాయి. సంగీత రంగంలో తమకంటూ ప్రత్యేక ముద్ర వేసుకున్న ఈ ఇద్దరు ట్యాలెంటెడ్ సింగర్స్ ఒక్కటి కాబోతుండటంతో కోలీవుడ్ వర్గాల్లోనూ ఈ వార్త హాట్ టాపిక్‌గా మారింది. త్వరలోనే పెళ్లి పీటలెక్కి కొత్త జీవితాన్ని ప్రారంభించబోతున్న ఈ జంటకు సోషల్ మీడియా వేదికగా అభినందనల ప్రవాహం కొనసాగుతోంది.

Also Read: మైక్రోసాఫ్ట్ సర్వర్లలో సాంకేతిక లోపం.. ఢిల్లీలో విమాన సర్వీసుల రద్దు