telangana
బైక్‌పై నుంచి పడి యువకుడు మృతి
సూర్య తిమ్మాపూర్: మండలంలోని ఇందిరానగర్ సమీపంలో రాజీవ్ రహదారిపై శుక్రవారం వేకువజామున జరిగిన రోడ్డు ప్రమాదంలో యువకుడు మృతి చెందాడు. స్థానికుల వివరాల ప్రకారం.. ఇందిరానగర్‌కు చెందిన గాలిపెల్లి ప్రణీత్ (26) కరీంనగర్ నుంచి తన స్వగ్రామానికి బైక్‌పై వస్తుండగా మార్గమధ్యంలో ప్రమాదవశాత్తు బైక్‌పై నుంచి కిందపడిపోయాడు. ఈ ఘటనలో తీవ్రంగా గాయపడిన ప్రణీత్‌ను 108 అంబులెన్స్‌లో ఆసుపత్రికి తరలిస్తుండగా మార్గమధ్యంలోనే మృతి చెందాడు. మృతుడు మెడికల్ రిప్రజెంటేటివ్‌గా పనిచేస్తున్నట్లు స్థానికులు తెలిపారు. యువకుడి మృతితో ఇందిరానగర్‌లో విషాదఛాయలు అలుముకున్నాయి.
