telangana
ఆపదలో ఉన్న కుటుంబానికి అండగా పూర్వ విద్యార్థులు, ఉపాధ్యాయులు
సూర్య. బీర్కూర్ ;;ఆపదలో ఉన్న కుటుంబానికి అండగా నిలిచి పూర్వ విద్యార్థులు, ఉపాధ్యాయులు తమ మానవత్వాన్ని చాటుకున్నారు. రైతునగర్ గ్రామానికి చెందిన గంగ కొటేశ్వరి ఇటీవల ఆకస్మికంగా మృతి చెందడంతో విషాదంలో ఉన్న ఆమె కుటుంబానికి విశ్రాంత ఉపాధ్యాయుడు మేకల విట్టల్, ఉపాధ్యాయుడు హనుమాన్లు చేతుల మీదుగా ఆర్థిక సహాయం అందజేశారు.1994–95 బ్యాచ్కు చెందిన పదో తరగతి పూర్వ విద్యార్థులు, గురువులు కలిసి రూ.75 వేల ఆర్థిక సహాయాన్ని కుటుంబ సభ్యులకు అందించారు. కష్టకాలంలో బాధిత కుటుంబానికి అండగా నిలిచి తమ వంతు సహాయం అందించడం పట్ల గ్రామస్థులు హర్షం వ్యక్తం చేశారు.పూర్వ విద్యార్థులు, ఉపాధ్యాయులు చూపిన మానవీయ సేవాభావాన్ని పలువురు అభినందించారు. విద్యాబుద్ధులు నేర్పిన పాఠశాలతో అనుబంధాన్ని కొనసాగిస్తూ సామాజిక బాధ్యతను చాటుకోవడం ఆదర్శనీయమని కొనియాడారు. ఈ కార్యక్రమంలో స్నేహితులు విజయ్ జేట్టి, చైతన్య, కృష్ణమూర్తి, సాయిలు, సంగమేశ్వర్, గోపాల్ జెట్టి తదితరులు పాల్గొన్నారు.