ఆదిలాబాద్‌లో ఐటీ టవర్‌ను ప్రారంభించిన మంత్రి శ్రీధర్ బాబు

సూర్య ఆదిలాబాద్ ప్రతినిధి :ఆదిలాబాద్ ప్రాంతంలో ఐటీ రంగం అభివృద్ధికి కీలక అడుగుగా నిర్మించిన ఐటీ టవర్‌ను రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు ప్రారంభించారు.ఈ సందర్భంగా మంత్రి మాట్లాడుతూ రాష్ట్రంలోని ద్వితీయ శ్రేణి పట్టణాలకు ఐటీ రంగాన్ని విస్తరించడమే ప్రభుత్వ లక్ష్యమని తెలిపారు. స్థానిక యువతకు తమ ప్రాంతంలోనే ఉద్యోగ అవకాశాలు కల్పించడంతో పాటు, ఐటీ రంగంలో నైపుణ్యాలను పెంపొందించేందుకు ఈ ఐటీ టవర్ ఎంతగానో ఉపయోగపడుతుందని పేర్కొన్నారు.ఈ కార్యక్రమంలో ఆదిలాబాద్ ఎమ్మెల్యే పాయల్ శంకర్, ఎంపీ నగేష్, ఖానాపూర్ ఎమ్మెల్యే వెడ్మ బొజ్జు, మున్సిపల్ చైర్‌పర్సన్ బండారి అనూష సతీష్ బోరంచు శ్రీకాంత్ రెడ్డి తదితర ప్రజాప్రతినిధులు, అధికారులు, నాయకులు పాల్గొన్నారు.