రాష్ట్రస్థాయి క్రీడా పోటీలకు ఒపీ జిందాల్ భారతి స్కూల్ విద్యార్థులు
కొత్త వలస, సూర్య : అప్పన్నపాలెం గ్రామ కేంద్రంగా నిర్వహిస్తున్న ఒపీ జిందాల్ భారతి స్కూల్ విద్యార్థులు జిల్లా స్థాయి క్రీడా పోటీల్లో ప్రతిభ కనబరిచి రాష్ట్రస్థాయి పోటీలకు ఎంపికైనట్లు పాఠశాల ప్రిన్సిపాల్ విశ్వనాథం తెలిపారు. అండర్-14 విభాగంలో హ్యాండ్‌బాల్‌కు డి. చతుర్య, డి. జాహ్నవి, కరాటేకు ఈ. దేవకీలత, సి.హెచ్. తన్విక, ఎస్. కార్తీక్, క్రికెట్‌కు కె. మోక్షజ్ఞ, బాస్కెట్‌బాల్‌కు కె. చాతుర్య, ఎల్. కుసుమ ఎంపికయ్యారని తెలిపారు.
అదేవిధంగా అండర్-17 విభాగంలో ఫుట్‌బాల్‌కు గొంప ప్రాణవసిద్ధార్థ్, జి. పార్థు, అండర్-14 బాస్కెట్‌బాల్ విభాగంలో జి. పూర్ణ సాయితేజ రాష్ట్రస్థాయి పోటీలకు ఎంపికైనట్లు వెల్లడించారు. ఎంపికైన విద్యార్థులంతా రాష్ట్రస్థాయి పోటీల్లో పాల్గొననున్నారని పేర్కొన్నారు. విద్యార్థులకు క్రీడల్లో తగిన శిక్షణ అందించి రాష్ట్రస్థాయి పోటీలకు ఎంపికయ్యేలా కృషి చేసిన పీడీ అప్పలనాయుడును ప్రిన్సిపాల్ ప్రత్యేకంగా అభినందించారు. ఈ సందర్భంగా పాఠశాల కార్యదర్శి దినేష్ శర్మ, ఉప కార్యదర్శి గోపాలకృష్ణ విద్యార్థులను అభినందించి, రాష్ట్రస్థాయి పోటీల్లో మరిన్ని విజయాలు సాధించాలని ఆకాంక్షించారు.
