29న జరిగే కాన్ఫరెన్స్‌ను విజయవంతం చేయాలి

సూర్య కరీంనగర్ : దక్షిణ మధ్య రైల్వే ట్రాక్‌మెయింటెయినర్ల సమస్యల పరిష్కారం,హక్కుల సాధన కోసం ఈ నెల 29న లాలాగూడ రైల్వే ఇన్‌స్టిట్యూట్‌లో దక్షిణ మధ్య రైల్వే కార్మిక సంఘం ఆధ్వర్యంలో నిర్వహించనున్న ట్రాక్‌మెన్ కాన్ఫరెన్స్‌ను విజయవంతం చేయాలని DMRKS,BMS నాయకులు పిలుపునిచ్చారు.ఈ సందర్భంగా  కరీంనగర్ రైల్వే స్టేషన్‌లో ట్రాక్‌మెయింటెయినర్లను కలిసి కాన్ఫరెన్స్‌కు పెద్ద సంఖ్యలో హాజరై తమ సమస్యల పరిష్కారం కోసం ఐక్యంగా ముందుకు రావాలని కోరారు.ఈ కార్యక్రమంలో రైల్వే నాయకులు సూర్యదేవర శ్రీనివాసాచారి,బొమ్మనవేని చంద్రమౌళి,కరీంనగర్ BMS జిల్లా కార్యదర్శి తొర్తి శ్రీనివాస్‌తో పాటు పలువురు రైల్వే కార్మికులు పాల్గొన్నారు.