భూ రీ సర్వే పనులు వేగవంతంగా పూర్తి చేయాలి అదనపు కలెక్టర్ బి. శ్రీరాములు

సూర్య – పెద్దపల్లి

ప్రభుత్వ నిబంధనల ప్రకారం భూ రీ సర్వే పనులను వేగవంతంగా, పారదర్శకంగా పూర్తి చేయాలని అదనపు కలెక్టర్ బి. శ్రీరాములు అధికారులను ఆదేశించారు. గురువారం ఎలిగేడు తహశీల్దార్ కార్యాలయం, అంగన్‌వాడీ కేంద్రాన్ని ఆకస్మికంగా తనిఖీ చేశారు. అనంతరం నర్సాపూర్ గ్రామంలో జరుగుతున్న భూ రీ సర్వే పనులను క్షేత్రస్థాయిలో పరిశీలించి పురోగతిని అడిగి తెలుసుకున్నారు. భూ వివరాల నమోదులో కచ్చితత్వం పాటించాలని, సర్వేలో ఎదురయ్యే సమస్యలను ఎప్పటికప్పుడు పరిష్కరిస్తూ నిర్ణీత గడువులోగా పూర్తి చేయాలని సూచించారు. అంగన్‌వాడీ కేంద్రంలో చిన్నారులకు అందిస్తున్న పౌష్టికాహారం, పూర్వ ప్రాథమిక విద్య, హాజరు రిజిస్టర్లను పరిశీలించారు. గర్భిణులు, బాలింతలు, చిన్నారులకు పౌష్టికాహారం సక్రమంగా అందించాలని సిబ్బందిని ఆదేశించారు.