18 గ్రామాల మేట్లకు పనుల నిర్వహణ, కొలతలు, డిజిటల్ హాజరుపై అవగాహన

సూర్య వేల్పూరు : వేల్పూర్ మండల రైతు వేదికలో బీబీజీ రామ్ జీ పథకానికి సంబంధించి మండలంలోని 18 గ్రామాల మేట్లకు శిక్షణ కార్యక్రమం నిర్వహించారు. ప్రతి గ్రామపంచాయతీ పరిధిలో కూలీల సంఖ్యను బట్టి మేట్లను ఎంపిక చేసి వారికి వివిధ అంశాలపై అవగాహన కల్పించారు.ఈ శిక్షణలో భాగంగా పథకంలో చేపట్టే వివిధ రకాల పనులు, పనులను ఎలా నిర్వహించాలి, పనుల కొలతలు ఎలా తీసుకోవాలి, జాబ్ కార్డుల నమోదు, మాస్టర్ నిర్వహణ, కూలీల హాజరు నమోదు, డిజిటల్ అటెండెన్స్ విధానం తదితర అంశాలపై వివరంగా శిక్షణ ఇచ్చారు.అనంతరం మధ్యాహ్నం క్షేత్రస్థాయిలో పర్యటించి పనుల కొలతలు తీసుకునే విధానం, కూలీలకు రోజుకు రూ.308 వేతనం అందేలా నిర్ణీత ప్రమాణాల ప్రకారం పనులు ఎలా చేయించాలనే అంశాలపై ప్రాక్టికల్ శిక్షణ నిర్వహించారు.ఈ కార్యక్రమంలో అసిస్టెంట్ పీడీ మోహన్, వేల్పూర్ మండల పరిషత్ అభివృద్ధి అధికారి రఘురాం, ఏపీవో అశోక్, టీఏలు సుఖేష్, స్వరూప, ఫీల్డ్ అసిస్టెంట్లు, మండలంలోని 18 గ్రామాల మేట్లు పాల్గొన్నారు.