ఎంపీటీసీ ఎన్నికల కౌంటింగ్ కి సర్వసిద్ధం

నెల్లిమర్ల, సూర్య : నెల్లిమర్ల నియోజకవర్గంలోని ​భోగాపురం, డెంకాడ, నెల్లిమర్ల, పూసపాటిరేగ మండలాలకు సంబంధించి  ఎంపీటీసీ, జెడ్పీటీసీ ఎన్నికల కౌంటింగ్ శనివారం  లెండి కళాశాలలో నిర్వహించడానికి అధికారులు ఏర్పాట్లు పూర్తి చేశారు.  భోగాపురం మండలం ఓట్ల లెక్కింపు  4వ అంతస్తులోని జేసీ బోస్ హాల్ లో నిర్వహిస్తారు. ​డెంకాడ (షిరిడీ సాయి బ్లాక్) 4వ అంతస్తు సౌత్ వింగ్ లోనూ
​నెల్లిమర్ల మండలం కళాశాలలోని షిరిడీ సాయి బ్లాక్ 1వ అంతస్తు CSE-LH-5 గదిలో నిర్వహిస్తారు. ​పూసపాటిరేగ లెండి కళాశాల అడ్మిన్ బ్లాక్ గ్రౌండ్ ఫ్లోర్ శ్రీనివాస రామానుజన్ కాన్ఫరెన్స్ హాల్ కౌంటింగ్ నిర్వహిస్తారు.కౌంటింగ్ కేంద్రాల వద్ద ఎలాంటి అవాంఛనీయ సంఘటనలు జరగకుండా, శాంతిభద్రతల పరిరక్షణ కోసం జిల్లా పోలీసు యంత్రాంగం భారీ బందోబస్తును రంగంలోకి దించింది.
​భద్రతా బలగాలు: 7 మంది డీఎస్పీలు, 37 మంది సీఐలు, 64 మంది ఎస్ఐలు, 104 మంది కానిస్టేబుళ్లు, 452 మంది ఇతర పోలీసు సిబ్బందిని నియమించారు. ​కౌంటింగ్ కేంద్రాల పరిధిలోని సంబంధిత పోలీసు స్టేషన్ల ద్వారా మూడంచెల భద్రతా చర్యలు చేపడుతున్నారు. ​అధికారులు మరియు సిబ్బంది సమన్వయంతో శనివారం ఉదయం నుంచే బ్యాలెట్ ఓట్ల లెక్కింపు ప్రక్రియను సజావుగా పూర్తి చేసేందుకు అన్ని ఏర్పాట్లు సిద్ధమయ్యాయి.