దీపావళి ఆనందంగా జరుపుకోవాలి... జిల్లా ఎస్పీ కె.వి. మహేశ్వర రెడ్డి

శ్రీకాకుళం, సూర్య : దీపావళి పండుగను ప్రతి ఒక్కరూ ఆనందోత్సాహాలతో, సురక్షిత వాతావరణంలో జరుపుకోవాలని జిల్లా ప్రజలకు జిల్లా ఎస్పీ కె.వి. మహేశ్వర రెడ్డి,  జిల్లా ప్రజలకు హృదయపూర్వక దీపావళి శుభాకాంక్షలు తెలియజేశారు.ప్రమాదాలకు తావులేకుండా, పండుగను సంప్రదాయబద్ధంగా సంతోషంగా, కాలుష్య రహితంగా జరుపుకోవాలని
ముఖ్యంగా చిన్నారుల విషయంలో తల్లిదండ్రులు ప్రత్యేక శ్రద్ధ వహించాలని శనివారం విడుదల చేసిన ప్రకటనలో జిల్లా ఎస్పీ కోరారు.పండుగ వేళ చిన్నపాటి నిర్లక్ష్యం కూడా పెద్ద ప్రమాదాలకు దారితీయవచ్చు. కావున ప్రతి ఒక్కరూ బాధ్యతాయుతంగా వ్యవహరిస్తూ, తమ కుటుంబ సభ్యులతో పాటు సమాజంలోని ప్రతి ఒక్కరి భద్రతకు ప్రాధాన్యత ఇవ్వాలని జిల్లా ఎస్పీ విజ్ఞప్తి చేశారు. అత్యవసర పరిస్థితుల్లో అగ్ని మాపక విభాగం 101, డయల్ 112, 6309990933 పోలీసు కంట్రోల్ రూమ్ సమాచారం అందించాలని కోరారు.