న్యాయవాది మంద నగేష్ కుటుంబానికి మాజీ ఎమ్మెల్యే చిరుమర్తి లింగయ్య పరామర్శ.. లక్ష్మమ్మ పార్థివదేహానికి ఘన నివాళి

కట్టంగూర్ మండల పరిధిలోని పామనగుండ్ల గ్రామానికి చెందిన ప్రముఖ న్యాయవాది మంద నగేష్ మాతృమూర్తి మంద లక్ష్మమ్మ అకాలమరణం చెందడంతో విషయం తెలుసుకున్న నకిరేకల్ మాజీ శాసనసభ్యులు చిరుమర్తి లింగయ్య శనివారం పామనగుండ్ల గ్రామానికి చేరుకుని లక్ష్మమ్మ పార్థివ దేహానికి పూలమాలవేసి ఘనంగా నివాళులర్పించారు. అనంతరం న్యాయవాది మంద నగేష్‌ను, వారి కుటుంబ సభ్యులను పరామర్శించారు.

ఈ కార్యక్రమంలో కట్టంగూర్ మాజీ జెడ్పీటీసీ తరాల బలరామ్, పామనుగుండ్ల సర్పంచ్ వడ్డే మాధవి సైదిరెడ్డి, నాయకులు చెరుకు నర్సింహ, పులిగిల్ల వెంకన్నతో పాటు పలువురు స్థానిక ప్రజాప్రతినిధులు, మండల ముఖ్య నాయకులు, గ్రామస్తులు పాల్గొన్నారు.