ఎన్నికల కౌంటింగ్ నేపథ్యంలో ట్రాఫిక్ ఆంక్షలు

రాజాం, సూర్య : రాజాం నియోజకవర్గంలోని నాలుగు మండలాల ఎంపీటీసీ, జడ్పీటీసీ ఎన్నికల ఓట్ల లెక్కింపు నేటి ఉదయం 7 గంటల నుంచి రాజాం వరలక్ష్మీ డిఏవి పబ్లిక్ స్కూల్‌లో ప్రారంభం కానుంది.ఈ నేపథ్యంలో కౌంటింగ్ కేంద్రం వద్ద పటిష్ట భద్రత, ట్రాఫిక్ నియంత్రణలో భాగంగా పోలీసులు ప్రత్యేక ఆంక్షలు విధించారు.డీఏవీ పాఠశాల సమీపం నుంచి బాలకావలస, పనసలవలస, మునకలవలస గ్రామాలకు వెళ్లే మార్గంలో ఎలాంటి వాహనాలకు అనుమతి ఉండదని రాజాం రూరల్ సర్కిల్ ఇన్‌స్పెక్టర్ హెచ్ హనుమంతరావు తెలిపారు.ఈ గ్రామాలకు వెళ్లే ప్రజలు బూరాడ జంక్షన్, కాగితాపల్లి మీదుగా ప్రత్యామ్నాయ మార్గంలో ప్రయాణించాలని సూచించారు. ఓట్ల లెక్కింపు ప్రక్రియ పూర్తయ్యే వరకు ఈ ట్రాఫిక్ ఆంక్షలు అమల్లో ఉంటాయని, ప్రజలు పోలీసులకు సహకరించి ప్రత్యామ్నాయ మార్గాలను వినియోగించుకోవాలని సీఐ కోరారు.