యువత క్రీడల్లో రాణించాలి

భీమదేవరపల్లి, మేజర్ న్యూస్, భీమదేవరపల్లి మండలంలోని కొత్తకొండలో పోలీసుల ఆధ్వర్యంలో నిర్వహించిన కబడ్డీ పోటీలు శుక్రవారం ఉత్సాహంగా సాగాయి. విజేతలకు పోలీసులు బహుమతులు అందజేశారు. యువత చదువుతోపాటు క్రీడల్లో రాణించాలని, మాదకద్రవ్యాలకు దూరంగా ఉండాలని ఎస్ఐ రాజు సూచించారు. క్రీడలు క్రమశిక్షణ, ఐక్యత, ఆత్మవిశ్వాసాన్ని పెంపొందిస్తాయని పేర్కొన్నారు. ఈ కార్యక్రమంలో కాంగ్రెస్‌ మండల అధ్యక్షుడు పోచంపల్లి రాజిరెడ్డి, కబడ్డీ సంఘం అధ్యక్షుడు సిద్ధమల్ల వెంకటేశ్‌ తదితరులు పాల్గొన్నారు.

రిపోర్టర్; రామకృష్ణ, బీమాదేవరపల్లి, హనుమకొండ జిల్లా