అక్బరాబాదులో సేవ సంకల్ప అభియాన్ వైద్య శిబిరం

అనుమసముద్రంపేట, మేజర్ న్యూస్ ఏఎస్ పేట మండలంలోని చిరమణ ప్రాథమిక ఆరోగ్య కేంద్రం పరిధిలో గల అక్బరాబాద్ గ్రామంలో శుక్రవారం సేవా సంకల్ప అభియాన్ కార్యక్రమంలో భాగంగా వైద్య శిబిరాన్ని ఏర్పాటు చేశారు.ఈ సందర్భంగా చిరమణ పి హెచ్ సి వైద్యాధికారులు బి. జ్యోతి రాణి, కె. నాగ వినుత మాట్లాడుతూ, కురుస్తున్న వర్షాల నేపథ్యంలో వ్యాధులపై ప్రజలకు అవగాహన కల్పించేందుకే ఈ వైద్య శిబిరాన్ని ఏర్పాటు చేశామన్నారు. రెండు వారాల నుంచి దగ్గుతో బాధపడుతున్న వారు తప్పనిసరిగా గళ్ళ పరీక్షలు చేయించుకోవాలని సూచించారు. ఆహారంలో ఉప్పు, నూనె, చక్కెర తక్కువగా వాడాలని సూచించారు. అలాగే గర్భిణీలకు బీపీ, షుగర్ వంటి పలు పరీక్షలు నిర్వహించామని తెలిపారు.ఈ కార్యక్రమంలో హెచ్.ఈ.ఓ షేక్ షఫీ, సూపర్వైజర్ మంజుల, ఎంఎల్హెచ్పి పి. రమణమ్మ, ఫార్మసిస్ట్ ఎస్.డి. అబ్దుల్ ఖాదర్, ల్యాబ్ టెక్నీషియన్ ఎన్. ఝాన్సీ, ఏఎన్ఎంలు పి. హేమలత, ఎం. జ్యోష్ణ, ఎం. సుమతి, ఆశా కార్యకర్తలు పాల్గొన్నారు