దుర్గమ్మ ఆశీస్సులు అందరికీ ఉండాలి-మాజీ మంత్రి ఎర్రబెల్లి దయాకర్ రావు

దేవరుప్పుల, మేజర్ న్యూస్, దేవరుప్పుల  మండలంలోని కడవెండి గ్రామంలో సంస్కార్ యూత్ ఆధ్వర్యంలో నిర్వహిస్తున్న శ్రీ దుర్గా మాత నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా ఆరో రోజు నిర్వహించిన వేడుకలకు మాజీ మంత్రి ఎర్రబెల్లి దయాకర్ రావు హాజరై అమ్మవారిని దర్శించుకుని ప్రత్యేక పూజలు నిర్వహించారు. ఈ సందర్భంగా అమ్మవారి ఆశీస్సులు పొందారు.
ఈ సందర్భంగా ఎర్రబెల్లి దయాకర్ రావు మాట్లాడుతూ.. జగన్మాత శ్రీ దుర్గా దేవి కరుణాకటాక్షాలు కడవెండి గ్రామ ప్రజలతో పాటు సంస్కార్ యూత్ సభ్యులందరిపై ఎల్లవేళలా ఉండాలని ఆకాంక్షించారు. అమ్మవారి దీవెనలతో ప్రజలంతా ఆయురారోగ్యాలు, సుఖసంతోషాలతో వర్ధిల్లాలని కోరుకున్నారు. భక్తిభావంతో నిర్వహించే ఇలాంటి ఆధ్యాత్మిక కార్యక్రమాలు ప్రజల్లో ఐక్యతను, సోదరభావాన్ని పెంపొందిస్తాయని పేర్కొన్నారు. గ్రామ ప్రజలంతా పరస్పర ప్రేమాభిమానాలతో కలిసిమెలిసి ఉంటూ ఆధ్యాత్మిక సంప్రదాయాలను కాపాడుకోవాలని ఆకాంక్షించారు. ఈ కార్యక్రమంలో గ్రామ సర్పంచ్ భాషిపాక రాములు, బీఆర్‌ఎస్ గ్రామ పార్టీ అధ్యక్షుడు తాటిపల్లి మహేష్, పార్టీ నాయకులు, సంస్కార్ యూత్ సభ్యులు, మహిళలు, గ్రామ ప్రజలు తదితరులు పాల్గొన్నారు.

రిపోర్టర్, ఎల్లేష్ ,దేవరుప్పుల, జనగామ జిల్లా