త్వరలో...హకీంపేట్ నందు వ్యవసాయ అనుబంధ శాఖ లు మరియు పరిశ్రమల శాఖ లు ఎక్స్ పో వేదిక...
స్థలం పరిశీలన చేసిన జిల్లా కలెక్టర్ దీపక్ తివారి, ఎస్పీ స్నేహ మెహ్ర...
దుద్యాల్ , మేజర్ న్యూస్: మండల పరిధిలో ని హకీంపేట్ గ్రామ శివారులో వ్యవసాయ అనుబంధ శాఖ ల మరియు పరిశ్రమల శాఖ కు సంబంధించిన ఎక్స్ పో వేదికను ఏర్పాటు చేసేందుకు అధికారులు కసరత్తు చేటున్నారు. అందులో భాగంగానే గురువారం అందుకు సంబంధించి స్థల పరిశీలనను టీ జి ఐ ఐ సి అధికారి వీరా రెడ్డి, జిల్లా కలెక్టర్ దీపక్ తివరి, జిల్లా ఎస్ పి స్నేహ మెహర లతో కలిసి పరిశీలించారు. ఈ వేదికలో రైతులకు వ్యవసాయం, ఉద్యానవన రంగాల్లో ఆధునిక సాగు పద్ధతులు, నూతన సాంకేతిక పరిజ్ఞానం, అధిక దిగుబడుల సాధన, ప్రభుత్వ పథకాలు, మార్కెటింగ్ మరియు పరిశ్రమల అవకాశాలపై అవగాహన కల్పించాలనే ఉద్దేశంతో వ్యవసాయ మరియు పరిశ్రమల ఎక్స్ పో ను నిర్వహించేందుకు సన్నాహాలు చేస్తున్నారు. ఈ వేదికలో సందర్శించే ప్రముఖ పారిశ్రామిక వేత్తలకు ఎలాంటి ఇబ్బందులు కలగకుండా అవసరమైన మౌలిక వసతులు, రైతుల రాకపోకలు, పార్కింగ్, తాగునీరు, విద్యుత్, ప్రదర్శన స్టాళ్లు తదితర అంశాలను పరిశీలించారు.రైతులకు వ్యవసాయ, ఉద్యానవన, మరియు పరిశ్రమల రంగాలకు సంబంధించిన తాజా సాంకేతికత, నూతన విధానాలు, ప్రభుత్వ ప్రోత్సాహకాలు మరియు వివిధ పథకాలపై సమగ్ర అవగాహన కల్పించేలా పరిశ్రమ ల ఎక్స్ పో ను విజయవంతంగా నిర్వహించేందుకు చర్యలు చేపడుతున్నట్లు కలెక్టర్ తెలిపారు.
ఈ కార్యక్రమం లో డి సి శేష గిరి రావు,కాడ ప్రత్యేక అధికారి వెంకట్ రెడ్డి, ఆర్ డి ఓ అనిత, వ్యవసాయ శాఖ అధికారులు మేరీ రేఖ, కవిత, హార్టీ కల్చర్ సత్తార్, డీస్పీ శ్రీనివాస్, తహసీల్దార్ కిషన్, ఇంజనీర్ లు, సంబంధిత అధికారులు తదితరులు ఉన్నారు.
రిపోర్టర్:రమేష్, దుద్యాల్, వికారాబాద్ జిల్లా.
