కనకదుర్గమ్మ ఆలయంలో దసరా మహోత్సవాలు.

గన్నవరం, మేజర్ న్యూస్. 

  బుద్ధవరం పంచాయతీ, గన్నవరం శివారు ప్రాంతంలోని శ్రీ గణపతి, శ్రీ సుబ్రహ్మణ్య సహిత శ్రీ కనకదుర్గ అమ్మవారి ఆలయంలో ఈ నెల 11 నుంచి 20వ తేదీ వరకు దసరా మహోత్సవాలను ఘనంగా నిర్వహించనున్నారు. ఈ నెల 11న ఆదివారం ఉదయం 9.09 గంటలకు అమ్మవారి కలశస్థాపనతో ఉత్సవాలు ప్రారంభమవుతాయి. అదే రోజు తెల్లవారుజామున 5 గంటలకు మంగళస్నానం, అభిషేకం, అఖండజ్యోతి ప్రజ్వలన, హోమం, అంకురార్పణ, కంకణధారణ తదితర కార్యక్రమాలను ఆలయ ప్రధాన అర్చకులు పండితులు శ్రీమాన్ శ్రీ శ్రీ శ్రీ దిలీప్‌కుమార్ ఆచార్యులు నిర్వహించనున్నారు. ఉత్సవాల్లో భాగంగా ప్రతిరోజూ ఉదయం 8.30 గంటలకు ప్రత్యేక పూజలు, సహస్ర కుంకుమార్చన, లక్ష్మీ గణపతి హోమం, నవగ్రహ హోమం, దుర్గాహోమం నిర్వహిస్తారు. సాయంత్రం 6 గంటలకు దీపోత్సవం, అష్టోత్తర శతనామావళి, లలితా పారాయణం జరుగుతాయి. ఈ నెల 20న మంగళవారం మధ్యాహ్నం 12 గంటలకు మహాపూర్ణాహుతి, మధ్యాహ్నం 3 గంటలకు శమీ పూజ అనంతరం అమ్మవారి ఊరేగింపు నిర్వహించనున్నట్లు ఆలయ నిర్వాహకులు తెలిపారు. భక్తులు అధిక సంఖ్యలో పాల్గొని అమ్మవారి ఆశీస్సులు పొందాలని కోరారు.

గుర్రం ప్రసాద్, గన్నవరం, కృష్ణాజిల్లా..