'సూర్య' కథనానికి స్పందించిన విద్యుత్ అధికారులు

ట్రాన్స్‌ఫార్మర్ చుట్టూ పిచ్చి మొక్కల తొలగింపు.. వైర్ల బిగింపు

జీహెచ్‌ఎంసీ శంషాబాద్ పరిధిలోని మండల ఎమ్మార్వో కార్యాలయం పక్కనే ఉన్న విద్యుత్ ట్రాన్స్‌ఫార్మర్ చుట్టూ పిచ్చి మొక్కలు పెరిగి ప్రమాదకరంగా మారిన విషయంపై ‘సూర్య’ దినపత్రికలో ప్రచురితమైన కథనానికి విద్యుత్ అధికారులు స్పందించారు. కథనం వెలువడిన వెంటనే స్పందించిన శంషాబాద్ విద్యుత్ శాఖ అధికారులు ట్రాన్స్‌ఫార్మర్ చుట్టూ పెరిగిన పిచ్చి మొక్కలను తొలగించి పరిసరాలను శుభ్రం చేశారు. అంతేకాకుండా అక్కడ ఉన్న విద్యుత్ వైర్లను సైతం గట్టిగా బిగించి తగిన చర్యలు చేపట్టారు.
ప్రజలకు ఇబ్బందులు కలిగించే సమస్యలను వెలుగులోకి తీసుకురావడంలో పత్రికలు కీలక పాత్ర పోషిస్తాయని ఈ సందర్భంగా స్థానికులు పేర్కొంటున్నారు. ‘సూర్య’ దినపత్రికలో కథనం ప్రచురితమైన వెంటనే విద్యుత్ అధికారులు స్పందించి సమస్యను పరిష్కరించడంపై ప్రజలు హర్షం వ్యక్తం చేస్తున్నారు. అదేవిధంగా శంషాబాద్ మున్సిపల్ పరిధిలో పలు చోట్ల పేరుకుపోతున్న చెత్తాచెదారం, పారిశుద్ధ్య సమస్యలు, ఇతర ప్రజా సమస్యలపై మున్సిపల్ అధికారులు దృష్టి సారించాలని స్థానికులు కోరుతున్నారు. ప్రజలకు ఇబ్బందులు కలిగించే సమస్యలను గుర్తించి, సంబంధిత అధికారులు తక్షణమే స్పందించి పరిష్కరించాలని వారు డిమాండ్ చేస్తున్నారు.

పోతుల నర్సింహా, మేజర్ స్యూస్ శంషాబాద్.