భక్తిశ్రద్ధలతో కొండా రత్తయ్య-నాగమణి గృహప్రవేశం

•  సత్యనారాయణ స్వామి వ్రతంలో 

 పాల్గొన్న శ్రీ అచ్చమాంబ దేవస్థాన కమిటీ చైర్మన్ అడుసుమల్లి నరసింహులు

పామూరు, మేజర్ న్యూస్ : మండలంలోని బొట్లగూడూరు పంచాయతీ పరిధిలోని రఘునాథపురం గ్రామానికి చెందిన కొండా రత్తయ్య - నాగమణి దంపతుల నూతన గృహప్రవేశ కార్యక్రమం సోమవారం రాత్రి ఘనంగా జరిగింది. ఈ సందర్భంగా మంగళవారం ఉదయం వారి నూతన నివాసంలో భక్తిశ్రద్ధలతో సత్యనారాయణ స్వామి వ్రతం నిర్వహించారు. వేద పండితులు కొల్లూరు రవికిరణ్ శర్మ వేద మంత్రోచ్చారణల నడుమ సత్యనారాయణ స్వామి వ్రతానికి సంబంధించిన పూజలను శాస్త్రోక్తంగా నిర్వహించారు. ఈ కార్యక్రమంలో శ్రీ అచ్చమాంబ దేవస్థాన కమిటీ చైర్మన్ అడుసుమల్లి నరసింహులు పాల్గొని ప్రత్యేక పూజలు నిర్వహించారు. కార్యక్రమంలో మేకల చెంచు రామయ్య, తిరుపతమ్మ, ఉప్పుగండ్ల రమేష్, బంధుమిత్రులు, శ్రేయోభిలాషులు పాల్గొన్నారు.