సంచార ముస్లింలకు ఇచ్చిన హామీలు నెరవేర్చాలి

సూర్య ​కరీంనగర్: సంచార ముస్లింల సంక్షేమానికి ప్రభుత్వం ఇచ్చిన హామీలను తక్షణమే అమలు చేయాలని తెలంగాణ రాష్ట్ర సంచార ముస్లిం తెగల సంఘం (బీసీ-ఈ 1-14) డిమాండ్ చేసింది. కరీంనగర్‌లో నిర్వహించిన జిల్లా ముఖ్య సమావేశంలో సంఘం ఫౌండర్ ఎండీ షబ్బీర్, రాష్ట్ర కోశాధికారి ఎండీ షాదుల్లా, సలహాదారు వాసీమ్ అహ్మద్ మాట్లాడారు.​బీసీ-ఈ పరిధిలోని 14 ఉప కులాల అభివృద్ధి కోసం ప్రభుత్వం వెంటనే 'ప్రత్యేక కార్పొరేషన్' ఏర్పాటు చేయాలని కోరారు. హక్కుల సాధన కోసం సంచార ముస్లింలందరూ ఐక్యంగా పోరాడాలని పిలుపునిచ్చారు. ఈ కార్యక్రమంలో నాయకులు మౌలా హుస్సేన్, ఎస్డీ అబ్దుల్లా, రియాజ్, మాలాంగ్, అజమాత్, సలీం తదితరులు పాల్గొన్నారు.