ఏపీ ప్రభుత్వ కీలక నిర్ణయం

అమరావతి: మంగళగిరి, తాడేపల్లి పట్టణ ప్రాంతాల్లో వరద ముంపు సమస్యకు శాశ్వత పరిష్కారం చూపేందుకు ఆంధ్రప్రదేశ్ ప్రభుత్వం కీలక నిర్ణయం తీసుకుంది. ఈ ప్రాంతాల్లో స్టార్మ్ వాటర్ డ్రైనేజీ వ్యవస్థ అభివృద్ధికి, వరద నివారణ పనుల కోసం రూ.68.73 కోట్ల పరిపాలనా అనుమతులను మంజూరు చేసింది. రాష్ట్ర విపత్తు నివారణ నిధి (SDMF) కింద మొత్తం 37 కీలక పనులను చేపట్టేందుకు ఈ నిధులను కేటాయించారు.

ఈ కేటాయింపుల్లో భాగంగా మంగళగిరి డివిజన్‌లో రూ.33 కోట్లతో 26 వరద నివారణ పనులను, తాడేపల్లి డివిజన్‌లో రూ.35.73 కోట్లతో 11 అభివృద్ధి పనులను పూర్తి చేయనున్నారు. ఈ ప్రాజెక్టు ద్వారా వర్షాకాలంలో నివాస ప్రాంతాలు జలమయం కాకుండా డ్రైనేజీ వ్యవస్థను పునర్నిర్మించడంతో పాటు వరద ఉధృతిని సమర్థవంతంగా అరికట్టవచ్చని అధికారులు భావిస్తున్నారు.