శ్రీ ఏడుపాయల వనదుర్గాభవాని దేవస్థానంలో దేవీ శరన్నవరాత్రి ఉత్సవాలు

శ్రీ ఏడుపాయల వనదుర్గాభవాని దేవస్థానంలో దేవీ శరన్నవరాత్రి ఉత్సవాలు

ఏడుపాయలలో ఘనంగా శరన్నవరాత్రి ఉత్సవాలు – 11 నుంచి 20 వరకు ప్రత్యేక పూజలు

పాపన్నపేట ; ప్రసిద్ధ పుణ్యక్షేత్రమైన ఏడుపాయల శ్రీ వనదుర్గాభవాని దేవస్థానంలో దేవీ శరన్నవరాత్రి ఉత్సవాలను ఘనంగా నిర్వహించేందుకు ఆలయ అధికారులు విస్తృత ఏర్పాట్లు చేస్తున్నారు. తెలంగాణ ప్రభుత్వం, దేవాదాయ ధర్మాదాయ శాఖ ఆధ్వర్యంలో గ్రామ నారాయణపల్లి, మండల పాపన్నపేట పరిధిలోని ఏడుపాయల వనదుర్గాభవాని ఆలయంలో ఈ ఉత్సవాలు నిర్వహించనున్నారు.అక్టోబర్ 11 నుంచి 20 వరకు పది రోజుల పాటు అమ్మవారికి ప్రతిరోజూ ప్రత్యేక పూజలు, అభిషేకాలు, అలంకరణలు, హారతులు నిర్వహించనున్నారు. ఉత్సవాల్లో భాగంగా అమ్మవారు వివిధ రూపాల్లో భక్తులకు దర్శనమివ్వనున్నారు. రోజువారీ కార్యక్రమాల వివరాలను ఆలయ నిర్వాహకులు ప్రకటించారు.అక్టోబర్ 11న ఆదివారం పాడ్యమి సందర్భంగా ఉత్సవాలు ప్రారంభం కానుండగా, అనంతరం సోమవారం సోమవారమ్మ, మంగళవారం మంగళకారమ్మ, బుధవారం బుధవారమ్మ, గురువారం గురువారమ్మ, శుక్రవారం శుక్రవారమ్మ, శనివారం శనివారమ్మ, అనంతరం ఆదివారం మరియు సోమవారం ప్రత్యేక అలంకరణలతో అమ్మవారిని దర్శనమిచ్చేలా ఏర్పాట్లు చేస్తున్నారు.

భక్తుల కోసం ప్రత్యేక ఏర్పాట్లు
శరన్నవరాత్రి ఉత్సవాలకు రాష్ట్రంలోని వివిధ ప్రాంతాల నుంచి పెద్ద సంఖ్యలో భక్తులు తరలివచ్చే అవకాశం ఉండటంతో ఆలయ పరిసరాల్లో భక్తులకు అవసరమైన మౌలిక సదుపాయాలు, దర్శన క్యూలైన్లు, తాగునీరు తదితర ఏర్పాట్లపై అధికారులు దృష్టి సారిస్తున్నారు.ఉత్సవాల సందర్భంగా అన్నప్రసాద కార్యక్రమాలు కూడా నిర్వహించనున్నారు. అలాగే ప్రత్యేక పూజలు, కుంకుమార్చనలు తదితర సేవలకు భక్తులు పాల్గొనేలా ఏర్పాట్లు చేస్తున్నారు.అక్టోబర్ 20న విజయదశమి సందర్భంగా ఉత్సవాలు ముగియనున్నాయి. విజయదశమి రోజున అమ్మవారి ప్రత్యేక పూజలు, కార్యక్రమాలు నిర్వహించనున్నారు.

ప్రజలకు విజ్ఞప్తి..
శరన్నవరాత్రి ఉత్సవాలకు వచ్చే భక్తులు ఆలయ నియమ నిబంధనలను పాటిస్తూ, అధికారులకు సహకరించాలని దేవస్థాన నిర్వాహకులు కోరారు. భక్తుల సౌకర్యార్థం ఏర్పాటు చేసిన క్యూలైన్లు, పార్కింగ్, ఇతర సదుపాయాలను వినియోగించుకోవాలని సూచించారు.