టి. నర్సాపురంలో పేద విద్యార్థులకు నోట్‌బుక్స్ పంపిణీ
టి. నర్సాపురం, మేజర్ న్యూస్: బంజారా భజరంగీ భేరి, ట్రేస్ ఇండియా సంఘాల సంయుక్త ఆధ్వర్యంలో టి. నర్సాపురం మండలంలోని ప్రకాష్ నగర్, రుద్రకోట, రాజుగూడెం గ్రామాల్లోని ప్రాథమిక పాఠశాలలు, అంగన్‌వాడీ కేంద్రాల్లో విద్యార్థులకు నోట్‌బుక్స్ పంపిణీ చేశారు.ట్రేస్ ఇండియా ప్రతినిధి షేక్ ముస్తాఫా అలీ మాట్లాడుతూ గ్రామీణ పేద విద్యార్థులకు విద్యలో సహకారం అందించి వారి జీవితాల్లో వెలుగులు నింపాలనే లక్ష్యంతో విద్యా కార్యక్రమాలు నిర్వహిస్తున్నామని తెలిపారు. బంజారా భజరంగీ భేరి జిల్లా నాయకులు భూక్యా నాగరాజు నాయక్ విద్యాదానం గొప్పదని పేర్కొన్నారు. భూక్యా వేణుగోపాల్ విద్యార్థులు ఇష్టపడి చదివి ప్రాథమిక విద్యలో బలమైన పునాదులు వేసుకోవాలని సూచించారు. కార్యక్రమంలో ప్రధానోపాధ్యాయులు, అంగన్‌వాడీ టీచర్లు, సంఘాల ప్రతినిధులు తదితరులు పాల్గొన్నారు.
పసుమర్తి రాము జిల్లా ఇంచార్జ్ ఏలూరు
