అర్హులైన లబ్ధిదారులందరికీ స్మార్ట్ రేషన్ కార్డులు:సర్పంచ్ లావణ్య మోహన్

మోమిన్‌పేట్, మేజర్ న్యూస్:
అర్హులైన ప్రతి లబ్ధిదారుడికి ప్రభుత్వ సంక్షేమ పథకాలు అందేలా చర్యలు తీసుకుంటామని దుర్గం చెరువు గ్రామ సర్పంచ్ లావణ్య మోహన్ తెలిపారు. రాష్ట్ర అసెంబ్లీ స్పీకర్ గడ్డం ప్రసాద్ కుమార్ ఆదేశాల మేరకు గ్రామంలో రేషన్ కార్డులు లేని అర్హులైన లబ్ధిదారులను గుర్తించి స్మార్ట్ రేషన్ కార్డులను పంపిణీ చేసినట్లు ఆమె పేర్కొన్నారు.బుధవారం మోమిన్‌పేట్ మండల పరిధిలోని దుర్గం చెరువు గ్రామంలో అధికారులు, ప్రజాప్రతినిధులు, గ్రామ పంచాయతీ సిబ్బందితో కలిసి సర్పంచ్ లావణ్య మోహన్ అర్హులైన లబ్ధిదారులకు స్మార్ట్ రేషన్ కార్డులను పంపిణీ చేశారు. ఈ సందర్భంగా ఆమె మాట్లాడుతూ…. కేంద్ర, రాష్ట్ర ప్రభుత్వాలు అమలు చేస్తున్న ప్రజా సంక్షేమ పథకాలు అర్హులైన ప్రతి ఒక్కరికీ అందేలా గ్రామస్థాయిలో నిరంతరం కృషి చేస్తామని తెలిపారు. ప్రభుత్వం అందిస్తున్న స్మార్ట్ రేషన్ కార్డులను అర్హులైన ప్రతి కుటుంబానికి అందించేందుకు చర్యలు తీసుకుంటామని చెప్పారు.ఈ కార్యక్రమంలో పంచాయతీ కార్యదర్శి లక్ష్మి, జీపీఓ వెంకట్‌రెడ్డి, మోమిన్‌పేట్ పీఏసీఎస్ డైరెక్టర్ సత్యనారాయణగౌడ్, మండల ఎస్సీ సెల్ అధ్యక్షుడు ఎల్.కృష్ణ, ఏఎంసీ డైరెక్టర్ బంటు వెంకటేశం, ఉపసర్పంచ్ సరియాబీ, పంచాయతీ వార్డు సభ్యులు, పంచాయతీ సిబ్బంది, రేషన్ డీలర్లు, గ్రామస్తులు తదితరులు పాల్గొన్నారు.

రిపోర్టర్: వడ్ల మాణిక్యం చారి, మోమిన్ పేట్, వికారాబాద్ జిల్లా.