సూర్య తిర్యాణి : తిర్యాణి, ఇటీవల అనారోగ్యంతో మృతి చెందిన గుర్రపు శ్రీనివాస్‌ కుటుంబాన్ని బీఆర్‌ఎస్‌ పార్టీ మండల అధ్యక్షుడు, జిల్లా నాయకుడు హన్మండ్ల జగదీశ్వర్‌ పరామర్శించారు. కుటుంబ సభ్యులను ఓదార్చి, వారికి మనోధైర్యం కల్పించారు. శ్రీనివాస్‌ ఆత్మకు శాంతి చేకూరాలని ఆకాంక్షిస్తూ నివాళులర్పించారు.ఈ సందర్భంగా జగదీశ్వర్‌ మాట్లాడుతూ.. బాధిత కుటుంబానికి అండగా ఉంటామని తెలిపారు. కుటుంబ సభ్యులు ధైర్యంగా ఉండాలని, వారికి అన్ని విధాలా సహాయ సహకారాలు అందిస్తామని భరోసా ఇచ్చారు.ఈ కార్యక్రమంలో మాజీ జడ్పీటీసీ ఆత్రం చంద్రశేఖర్‌, తిర్యాణి మండల ఉపసర్పంచ్‌ల ఫోరం అధ్యక్షుడు చేని కుమార్‌, బీఆర్‌ఎస్‌ మండల నాయకులు బుర్ర మధుకర్‌, తోట లచ్చన్న, గుర్రపు సత్తయ్య, ఎడ్ల తిరుపతి, బొల్లం స్వామి, పార్టీ సోషల్‌ మీడియా కన్వీనర్‌ దేవేందర్‌ తదితరులు పాల్గొన్నారు.
