ప్రజల ఆరోగ్య భద్రతకు అండగా ఎమ్మెల్యే బోడే ప్రసాద్

పెనమలూరు, మేజర్ న్యూస్: ఆర్థిక ఇబ్బందులతో వైద్య చికిత్స పొందుతున్న పేద కుటుంబాలకు అండగా నిలిచే లక్ష్యంతో పెనమలూరు నియోజకవర్గంలోని ముగ్గురు లబ్ధిదారులకు మొత్తం రూ.4,55,000 విలువైన ముఖ్యమంత్రి సహాయ నిధి (సీఎంఆర్‌ఎఫ్) ఎల్‌ఓసీ పత్రాలను తెలుగుదేశం పార్టీ నాయకులు అందజేశారు. పెనమలూరు నియోజకవర్గ కార్యాలయంలో ఎమ్మెల్యే బోడే ప్రసాద్ ఆదేశాల మేరకు ఈ పత్రాలను లబ్ధిదారులకు అందించారు. ప్రజల అవసరాలను గుర్తించి, అర్హులైన ప్రతి కుటుంబానికి ప్రభుత్వ సంక్షేమ పథకాల ప్రయోజనాలు అందేలా ఎమ్మెల్యే బోడే ప్రసాద్ నిరంతరం కృషి చేస్తున్నారని నాయకులు తెలిపారు. ఆర్థిక ఇబ్బందులతో వైద్య చికిత్స పొందలేని తమ కుటుంబాలకు సీఎంఆర్‌ఎఫ్ ద్వారా అందిన సాయం ఎంతో ఊరటనిచ్చిందని లబ్ధిదారులు పేర్కొన్నారు. ఈ సందర్భంగా ప్రభుత్వానికి, ఎమ్మెల్యే బోడే ప్రసాద్‌కు వారు కృతజ్ఞతలు తెలిపారు.

✍️ప్రేమ్ రాజ్, పెనమలూరు, కృష్ణాజిల్లా.