సత్యం, అహింస, శాంతి మార్గాలను ఆచరించాలి

హాస్టల్ సంక్షేమ అధికారి తుల్జారామ్ గౌడ్

మోమిన్‌పేట్, మేజర్ న్యూస్ (అక్టోబర్ 2): మోమిన్‌పేట్ ఎస్సీ బాలుర వసతి గృహంలో మహాత్మా గాంధీ జయంతి వేడుకలను శుక్రవారం ఘనంగా నిర్వహించారు. ఈ సందర్భంగా హాస్టల్ సంక్షేమ అధికారి తుల్జారామ్ గౌడ్ గాంధీజీ చిత్రపటానికి పూలమాల వేసి ఘనంగా నివాళులర్పించారు.అనంతరం ఆయన మాట్లాడుతూ.. మహాత్మా గాంధీ చూపిన సత్యం, అహింస, శాంతి మార్గాలు ప్రతి ఒక్కరి జీవితంలో విలువలుగా నిలవాలని అన్నారు. సత్యం కోసం నిలబడటం మార్పుకు తొలి అడుగు అని, గాంధీజీ ఆశయాలను విద్యార్థులు ఆదర్శంగా తీసుకోవాలని సూచించారు.ఈ సందర్భంగా దివ్య బాబాజీ స్మన్ క్రియా ఫౌండేషన్ ఆధ్వర్యంలో విద్యార్థులకు ధ్యానం, యోగా ప్రాధాన్యతపై అవగాహన కల్పించారు. విద్యార్థులు ప్రతిరోజూ యోగా, ధ్యానం చేయడం ద్వారా శారీరక, మానసిక ఆరోగ్యాన్ని మెరుగుపరుచుకోవచ్చని తెలిపారు. లక్ష్మీ ప్రసన్న, పద్మ చెరుకూరి విద్యార్థులకు యోగా కార్యక్రమం, దాని ప్రయోజనాల గురించి వివరించారు. కార్యక్రమంలో హాస్టల్ సిబ్బంది, విద్యార్థులు పాల్గొన్నారు.

రిపోర్టర్ వడ్ల మాణిక్యం చారి.