andhrapradesh
ఏపీ ఎన్జీవో జిల్లా కార్యదర్శిగా వి. సురేష్ బాబు
తిరుపతి (రేణిగుంట) మేజర్ న్యూస్: ఏపీ ఎన్జీవో అసోసియేషన్ తిరుపతి జిల్లా కార్యవర్గ సమావేశం తిరుపతిలోని ఎన్జీవో హోంలో జిల్లా అధ్యక్షులు ఎస్. సురేష్ బాబు అధ్యక్షతన జరిగింది. ఈ సందర్భంగా కో-ఆప్షన్ విధానం ద్వారా ఖాళీగా ఉన్న జిల్లా కార్యవర్గ పదవులను ఏకగ్రీవంగా భర్తీ చేశారు.
జిల్లా కార్యదర్శిగా వి. సురేష్ బాబు, కోశాధికారిగా చెన్నకేశవులు, సహాధ్యక్షులుగా లోకనాథ్ బాబు, సహ కార్యదర్శిగా గురు కుమార్ ఏకగ్రీవంగా ఎన్నికయ్యారు. రాష్ట్ర సహాధ్యక్షులు దస్తగిరి రెడ్డి, రాష్ట్ర ఉపాధ్యక్షులు వై. ప్రసాద్ యాదవ్ పరిశీలకులుగా హాజరయ్యారు. 10 తాలూకాల అధ్యక్ష, కార్యదర్శులు, జిల్లా కార్యవర్గ సభ్యులు నూతన కార్యవర్గాన్ని అభినందించారు.
ఉద్యోగుల సమస్యల పరిష్కారానికి రాష్ట్ర నాయకత్వంతో కలిసి మరింత సమర్థవంతంగా పనిచేస్తామని నూతన కార్యవర్గ సభ్యులు తెలిపారు.
