కామంచికల్ కూలీల కన్నీటి కష్టం..

*భారతమ్మ మృతిపై దయాకర్ రెడ్డి సంతాపం

*లారీ ఢీకొని మహిళ మృతి.. 12 మందికి గాయాలు | బాధితులకు అండగా ఉంటామని హామీ

ఖమ్మం రూరల్ సూర్య మేజర్ న్యూస్ : కామంచికల్ కూలీలతో వెళ్తున్న ఆటోను లారీ ఢీకొన్న విషాద ఘటనపై మంత్రి పొంగులేటి శ్రీనివాసరెడ్డి ఉమ్మడి ఖమ్మం జిల్లా క్యాంప్ కార్యాలయ ఇన్‌చార్జి తుంభూరి దయాకర్‌రెడ్డి తీవ్ర దిగ్భ్రాంతి వ్యక్తం చేశారు. రఘునాథపాలెం మండలం పంగిడి సమీపంలో శుక్రవారం జరిగిన ప్రమాదంలో కామంచికల్‌కు చెందిన దొంతు సరుపు భారతమ్మ (55) మృతి చెందడం పట్ల సంతాపం తెలిపారు.
ఒకరి మృతి.. 12 మందికి గాయాలు
పత్తి తీసే పనులకు వెళ్లి తిరిగి వస్తుండగా జరిగిన ప్రమాదంలో మరో మహిళ పరిస్థితి విషమంగా ఉండగా, 12 మంది కూలీలు గాయపడటంపై దయాకర్‌రెడ్డి ఆవేదన వ్యక్తం చేశారు. క్షతగాత్రులు త్వరగా కోలుకోవాలని ఆకాంక్షించారు.
బాధితులకు అండగా ఉంటాం
ప్రమాద బాధితులకు మంత్రి పొంగులేటి శ్రీనివాసరెడ్డి, కాంగ్రెస్ పార్టీ అన్ని విధాలా అండగా ఉంటుందని దయాకర్‌రెడ్డి హామీ ఇచ్చారు. బాధిత కుటుంబానికి ప్రగాఢ సానుభూతి తెలిపారు. కార్యక్రమంలో ఖమ్మం రూరల్ కాంగ్రెస్ మండల అధ్యక్షుడు తోట వీరభద్రం, కాంగ్రెస్ పార్టీ నాయకులు పాల్గొన్నారు.