telanagana
రైతులకు నాణ్యమైన విద్యుత్ అందించాలి
సీఎండీ వరుణ్‌రెడ్డి ఆకస్మిక తనిఖీ
భీమదేవరపల్లి ప్రతినిధి, రైతులకు నాణ్యమైన విద్యుత్‌ను అందించేందుకు చర్యలు తీసుకోవాలని టీఎస్‌ఎన్‌పీడీసీఎల్‌ సీఎండీ వరుణ్‌రెడ్డి అధికారులను ఆదేశించారు. గురువారం భీమదేవరపల్లి విద్యుత్ డివిజనల్‌ కార్యాలయం, సబ్‌స్టేషన్‌ను ఆకస్మికంగా తనిఖీ చేసి విద్యుత్ సరఫరా తీరును పరిశీలించారు. రైతుల సమస్యలను అడిగి తెలుసుకున్నారు. విద్యుత్ ఓవర్‌లోడ్‌ సమస్యలు తలెత్తితే వెంటనే పరిష్కరించాలని సూచించారు. అందుబాటులో ఉన్న విద్యుత్‌ను సక్రమంగా వినియోగిస్తూ నిరంతర సరఫరాకు చర్యలు చేపట్టాలని ఆదేశించారు. రైతులు ఉదయమే విద్యుత్ సరఫరా చేయాలని కోరుతున్న విషయాన్ని సిబ్బంది సీఎండీ దృష్టికి తీసుకెళ్లారు. ఈ కార్యక్రమంలో ఏడీ రాజేశ్వర్‌రెడ్డి, ఏఈ లక్ష్మణ్‌నాయక్‌ తదితరులు పాల్గొన్నారు.
